حوّل التوكتوك مالتك إلى مصدر دخل ذكي. انسى التعب العشوائي، المكاسر على السعر، والانتظار بالشارع. وية گبل، الركاب يجوك لمكانك.
صممنا التطبيق حتى يريحك من مشاكل الشارع ويضمن حقك بكل رحلة.
انسى وجع الراس والجدال على السعر. التطبيق يحسب المسافة والوقت الفعلي بدقة ويطلع السعر العادل للطرفين. تدوس إنهاء الرحلة، تستلم فلوسك صافية.
أول ما يتفعل حسابك، ننطيك رصيد مجاني بمحفظتك حتى تبدأ تستقبل رحلات فوراً بدون ما تدفع أي شي مقدماً.
شغّل التطبيق واستقبل طلبات من تكون فارغ، وطفيه من تريد ترتاح. ماكو التزامات ولا أوقات دوام محددة. وقتك ملكك.
لا تفتر بالشارع وتحرق بانزين على الفاضي. الخريطة الذكية تدليك على أقرب راكب الك، وتطلعلك المسافة والوقت قبل لا توافق.
نزّل تطبيق گبل للكباتن مجاناً من متجر بلاي أو آب ستور، وافتح حساب جديد برقم تليفونك.
صور هويتك، السنوية، وصورة شخصية واضحة وارفعها من داخل التطبيق للتوثيق.
بعد تفعيل حسابك، راح يوصلك الرصيد الترحيبي، وتكدر فوراً تبدأ تستقبل الطلبات وتطلع فلوس.
بنينا نظام گبل حتى يكافئ الكابتن المتميز. كلما زاد تقييمك من الركاب وكملت رحلات أكثر، كلما زادت مميزاتك قلت عمولتك.
لا تضيع وقت، حمل التطبيق الآن وانضم لأكبر منصة توصيل ذكية بالتوكتوك في العراق.